Мектепке дейінгі ұйымның ауласы — бұл балалардың таза ауада шынығып, қоршаған ортаны танитын, олардың ойын және сауық іс-әрекеттері жүзеге асатын негізгі дамытушы кеңістік. Балабақшамыздың ауласын безендіру барысында эстетикалық тартымдылық, қауіпсіздік талаптары сақталған. Аула дизайнында табиғи ландшафтты тиімді пайдалануға және балалардың экологиялық сауаттылығын арттыруға басымдық берілді. Әрбір топтың серуендеу мен ойын алаңдары жас ерекшеліктеріне сай безендірілген.